1. Kaliye walilongisa ovina vialua vio ve Embimbiliya. Ukũlĩhĩso waco ukuvetiye oku kuata ovituwa viukristão. (Va Efeso 4:22-24) Ukũlĩhĩso waco wukuete esilivilo lialua oco okuate omuenyo ko pui. (Yoano 17:3) Omo liaco, vakuene vasukilavo oku kũlĩha olondaka viwa oco vayovuiwe. Vosi akristão vocili vakuete okuimba uvangi kuvakuavo. Suku eye wacituma. — Va Roma 10:10; 1 Va Korindo 9:16; 1 Timoteo 4:16.
2. Ove okuete oku fetika oku yevalisa kuvakuene wasiata oku vangula lavo olondaka viwa walilongisa. Sapuilako epata, akamba vokosikola, kuenda vokupange. Cilinga lumbombe kuenda lepandi. (2 Timoteo 2:24, 25) Sokolola okuti olonjanja vialua omanu vatala vali lutate ovituwa via yumue okuti eci apopia cisule. Omo liaco, ovituwa viove viwa vipondola okuvetiya omanu oku yevelela ondaka ovasapuila. — Mateo 5:16; 1 Petulu 3:1, 2, 16.
3. Vokuenda kuotembo, okaloñoloha oco ofetike oku kundila kumue (lavamanji) vekongelo Liolombangi via Yehova kimbo liove. Elianga limue liavelapo vokuamako kuove. (Mateo 24:14) Hesanjuko olio oka yeva eci oka kuatisa yumue oku kala omunu wa Yehova kuenda oku tambula omuenyo ko pui! — 1 Va Tesalonike 2:19, 20. |
