¡MISION NABIRSULIDI
OBELOLEGED WALIKAGUSA!

¿Ibu obare mision nabirsulidi? Mision nug gine dulemar oburgwelegele, ¿be sae itodae? Neg dirbimakar neggweburmar nabo abin-abin urwemalad nika, dulemar ogwaye gala emar oburgwemalad nika, geb ibmar isgana imakleged nue nikbali. Dulemar Bab Dummadga arbamarye sogmaladi we ibmar imakmala. Bela we ibmar mision nuggi imaklegedi, ¿istar ito be imake? ¿Ibigala daklege mision nug gine we ibmar isganamar gue yobi?

We ibmar gusuli bela misionmar nuggi, unnilagwa gue mision nabirsulid nug ginbii. Jesucristo, dule wargwen Babga arbaed igar nue wisi gudigusad, geb nue nug nika gudigusbalid. We Jesucristo, oyosa mision nabirsulidi dulemar ibmar isgana saed gala imake, igi “sapi-iskanadi, e-durba-sanmaked iskanabimodo” (Mateo 7:15-17, Bab Dummad Jesucristoba Igar Mesisad Garda). ¿Mision nabirsulidi, e durba igiidi sanmake?

Mision nabirsulidi. . .

NEGGWEBURMAR NABO ABIN-ABIN URWED ONOALILE, BAT EBA AKADAMOGA GEB AMBA POLITIKABA AKABALI: Garda Asiaweek soge: “Asia gine geb amba neggwebur bamalad siki, bukidar mision idudimaladi bur e nug dunguedi abedamala. Dummadga gued bina alamakarmalale ebudamala, dule bamalad e binsaedi Babga arbaed igar siki, unnila na e ibmar abeged imake gala”. Geb sogbali, “we ulale neg naid nue gagaleged dummadse oarmakbinnai”. Estados Unidos gine, dule wargwen Babga arbaed igar gine emar idugedi, nue nug nika gumogadi sogsa: “Dulemar ogwaye gala emar oburgwemaladi oburgwelemaladi, adi dulemar oburgwelegedi wis galegega”. We dule gardina, we igar onudaklegedi we gue: “Bela we dulemar oburgwelegedi Bab Dummad nug gine”. Ar Bibliadi anmar gala soge: “Ar dule wargwen sog-dibe, ‘Bab Dummad an sabye’, degite e-gwenad sae-dakele, we-dule binsa gakansadido” (1 Juan 4:20, Bab Dummad Jesucristoba Igar Mesisad Garda). Jesús sogsamoga: “Be istarmalad be sabgumar” (Mateo 5:44, Bab Dummad Jesucristoba Igar Mesisad Garda). ¿Sogbigwa misionmar nikye be sogsale, urwed noalile na e sordagan barmisdamaladi?

IBMAR NABIRSULIDI ODURDAKE: Belagwablesaale misionmala odurdake, dule burba, ibmar sogwen aku daklegedye geb burgwed sorbali dula gudigusdaye. Weyob odurdaked bali, bukidar misionmar idudimaladi e sordagan gine dododimala, emargi mani gadamala dule burgwisale e burba gala Babse golega. Degi inigwale, we igar siki Biblia dina akar anmar odurdake, adi soge: “Dule isgusale…edi burgodo” (Ezequiel 18:4). “Dulemar dula gudimalad dina na wismala emar burgwemaloe, ar burgwarmalad dina, bipisaar ibmar wissur mamai” (Eclesiastés 9:5). Jesús odurdaksa, dule burgwismalad gannar durgumaloye, ar we ibmala binsasun gusale, dulemar e burba burgwesulile (Juan 11:11-25). ¿Igi bedi odurdaklemoga, dule e burba geg burgweye be odurdaklege?

GALAGWENSUR DAEDI BASUR DAKE: Neggwebur baid-baid gine, misionmar iduge gala onugsalemaladi, omegimaladi geb omegan machergangimalad. Geb gobiernomar gine alamakmala ley gine odoge gala, omegan-omegan na nikumaladi o machergan-machergan na nikumaladi. Abar misionmala galagwensur daed istar dakmalana, degi inigwale e idumaladi burwigan san gine dododimalale bai daksur damala. Aukine, ¿igi Bibliadi odurdake galagwensur daed siki? Nue mag itoleged gine Biblia dina soge: “Mer be yardaklemar. Dulemar yo-abirgin-niku neg-sichigi-yoledimalad, binsa bab-dummadga-imakleged e-bab-dummadga imakdimalad, ome-dikarba, degi, sui-dikarba yoledimalad, omegangii-damalad, machergan na machered e-omega imakmalad. . . Bab-Dummad-neg-dakmaidse gwen dogosurmalad” (1 Corintios 6:9, 10, Bab Dummad Jesucristoba Igar Mesisad Garda). ¿Be dakdii misionmar galagwensur daed basur dakedi?

We misionmala, durba nued sanmaksurmaladi ¿igi gumaloe yoogid sega? Iduakwa Jesús owisosad: “Ar sapimar e-durba nued sanmaksulile, olaodo, soogi metodo, ogumakegar” (Mateo 7:19, Bab Dummad Jesucristoba Igar Mesisad Garda). Nabiri, ¡mision nabirsulidi olalegoe geb obelolegoe! Ar degite ¿sanawa geb igii we obelolegoe? Apocalipsis, capítulo 17 geb 18 gine, ibmar yoo-guoed burbar oyelesadi narmakar nai, we gine anmar sega nue oyolenai.

¿Mision nabirsulidi igi obelolegoe?

Emiski, be binsaena we ibmargi. Ome gamba-nuchu (gamba saed) ibdula uni-naid yargan birgi sii. We ibdula nono gwagugle nika geb bebedi ambe nika (Apocalipsis 17:1-4). We ome gamba-nuchu ¿doa e wilubsunna? We ome, “we napneg […] reymar” gine alamake e soged bali daega, mor suir akwagiid yoi, ibmar-wawaad-incienso ebuge geb nue mani nika gubali. Ukinbali, anger isganamar bogwa sunmaked bali “bela dulemar-yar-baid-baidgi-bukmalad ese yardaklesmalad” (Apocalipsis 17:18; 18:12, 13, 23, Bab Dummad Jesucristoba Igar Mesisad Garda). Biblia anmar gala soge, we ome gamba-nuchu obare bela neg dirbimakar mision nabirsurmalad akar-akar burakwa bukwadi. We ome gamba-nuchu unnila mision soggwenbii obarsuli, bur obare belagwable misionmar e durba nued sanmaksurmalad.

We ibdula uni-naid dina obare gobiernomar neg dirbimakar bukwad (Apocalipsis 17:10-13). We ibdula birgine mision nabirsulidi sii, geb egi alamake e soged bali we ibdula, ibmar imake gala geb aibirmai gue gala.

Degine, iche napi ibmar geger dakleged gunonikoe. “Ibdula-unidgi bebe-warambe be daksadi, we-reymar ome-gamba-nuchu istar dakdamaloed, walagwen metemaloed, degine, uka-swiri-sii metemaloed, degine, e-san ei gunmaloed, degine, soogi ogumakmarbaloed” (Apocalipsis 17:16, Bab Dummad Jesucristoba Igar Mesisad Garda). Ukiarmakale gobiernomar bela neg dirbimakar bukwadi, mision nabirsulidgi aibitemaloe geb bela obelomaloe. ¿Ibigala we gobiernomar deyob gudagoe? Biblia Apocalipsis gine soge: “Bab Dummad na e-sogedba-imakegala reymar binsamalaga imaksad” (Apocalipsis 17:17, Bab Dummad Jesucristoba Igar Mesisad Garda). Mision nabirsulidi bukidar ibmar isgana imaksa Bab nug gine. We ulale Bab Dummadi ese goloe, dummad odurdaklege gala. E igar innikigwad maid bali imakoe, e macherganga gudigusmaladi politikomala aka we ome gamba-nuchu obelogoedi.

¿Ibu be imaker gebe mision nabirsulid yobi be gubisulile? Bab Dummad gaya barsogedi wegi soge: “Be an-dulemar, we Babilonia-abargi-gudiid be noe” (Apocalipsis 18:4, Bab Dummad Jesucristoba Igar Mesisad Garda). Emiskwa gine mision nabirsulid gine wakinned iba. Ar ¿bia nabir be wakichale? Mer be Bab igar bengued siki nae, ar we igar dina amba bergued siki nadabmogad (2 Tesalonicenses 1:6-9). Unnilagwa mision nabbiragwadginbii dukued nabir amilege. ¿Igi nabir be mag dake gusmogarsunna biti mision nabbiragwadi?

Igi nabir mag dakle gusale biti mision nabbiragwadi

¿Mision nabbiragwadi durba nued igiidi nikuer gebe? (Mateo 7:17.)

Mision nabbiragwadi. . .

SABED NIKA NA OYOGE: Babga arbamalad nabbiramaladi “emala napaneg e sordasurmala”, na istar daksurmala e dule sulid bali, geb na ‘muchub-muchub nue sabgumala’ (Juan 13:35, Bab Dummad Jesucristoba Igar Mesisad Garda; 17:16; Hechos 10:34, 35). Na muchub-muchub oburgwesurmala, ar bur dule baid anale burgweye sogsundibe, guakwa gumala (1 Juan 3:16).

BAB DUMAD GAYA BURBA BENSURMALA: Mision nabbiragwadi odurdaksuli “dadgan igar maidba” geb “dulemar igar mesisadba”. Mision nabbiragwadi e igarmar odurdaklegedi sulegarmala Bab Dummad Gaya Burbagi, Bibliagi (Mateo 15:6-9, Bab Dummad Jesucristoba Igar Mesisad Garda). ¿Ibigala aagi sulegale? Ar “Bab-Dummad-Garda-narmakar-maid bela Bab-Dummad-sogedba narmaklesad. Bab-Dummad-Garda ib-nuedid, dulemar-odurdakegar, dulemarga sabsur ibmar-sogegar, dulemar-unaegar” (2 Timoteo 3:16, Bab Dummad Jesucristoba Igar Mesisad Garda).

GWENADGAN OGANNOE GEB NUED DAED IGAR SIKI ODURDAKE: Mision nabbiragwadi odurdake, machergan ‘na e-omegan sabgumaladi ar igi na e-san sabgumogadyob’, geb odurdakbali omegan dina ‘e-sui nue na dakee nanaed’ siki, degine mimmigan odurdakbali ‘bela be-babgan bemarga ibmar-sogedba be damar’ (Efesios 5:28, 33; Colosenses 3:20, Bab Dummad Jesucristoba Igar Mesisad Garda). Ukinbali, dulemar emar idugedga onugsalesmalad dina e daedi bur nued guer gebe (1 Timoteo 3:1-10).

¿Mision soggwen nika dibe weyob daed? Garda nugadi Holocaust Politics, 2001 gine narmaklesadi, soge: “Bukidar dulemala Jehovági-sunmakmalad ibmar odurdaked bali damalale o e ibmar imakmaladba damalale, adina, judiomar iblolegosulina, geb neg dirbimakale danar emar iblolegedi bar gussulile”.

Neggwebur 235 mergued gine, Jehovági-sunmakmalad unnilagwa sunmaksurmala we daed nued Bibliagi soglenaid gine; bur eba damarbali e gudiid gine. Anmar be gala sogmoga be bendaked egisye Jehovági-sunmakmalad sega, be wiskue gala ibu imaked Bab Dummad anmar abege war-wargwen gine, anmar ega arbaedi nued dakle gue gala Bab Dummad asabinni. Emiskwa gine we ibmar imaked abelege, wis be gwaesar imake. ¡Mision nabirsulidi obeloleged walikagusa! (Sofonías 2:2, 3.)