Igi be nabir wisgusale Bab Dummad ibmar abeged

1. Bab Dummad anmarga ibmar nued uksa: Biblia. Bab warguen mimmigan sabele igi ese garda barmidae, de yopira gue. Anmarga ibmar napiraguad soge, Bab Dummad siki: Doa nue gue, geb e igarmar mamaid. Sogna bali, igi anmar imaksale neg undar gunaid abinni geb igi yeer-itoged napiraguad amisale. Unnila Biblia bii anmarga soge, ibu anmar saer gebe Bab Dummad nued anmar dake gala. (Salmo 1:1-3; Isaías 48:17, 18.)

2. Biblia narmaked gine edulabo saar (40) mergu dulemar arbasa, birga miliguen-gaka-dulataled-ilanergua (1.600), 1513 E.K.i. dakale. Yaba nai 66 libromar burwigana. Enarmakmaladi Bab Dummad soged bali imaksamala, Bab Dummad binsaedi narmaksamala, na ebinsaed narmaksasurmala. Degi soggua Biblia e ibedi Bab Dummad niba maidi, dule napaneg gined suli. (2 Timoteo 3:16, 17; 2 Pedro 1:20, 21.)

3. Bab Dummad imaksa Biblia innikiguad bali ogualegedi. Biblia bur melu onilemai libro bamalad bali. Belaguable dulemar yeer-itogo suli be Biblia durdakalile, degi iniguale mer we ibmar be osikirmaked gala be imake. Be yoogid sega na sadegu bendaklegedi, Bab Dummad mag dake gued gine daniki geb e ibmar abeged be imaked gine, amba dulemar be bali nasur iniguale. (Mateo 5:10-12; Juan 17:3.)

Copyright © 2006 Watch Tower Bible and Tract Society of Pennsylvania. All rights reserved.