¿Doagi Bab Dummad?

1. Dulemar ibmar bukidara na e bab dummad gala imakmala. Biblia dina anmar gala soge Bab Dummad NAPIRAGUAD, unnila warguenna-ye. Belaguable ibmar obinnisa nibneg gine geb napaneg gine, geb nabir dula gudii anmar imaksabar soggua, unnila wese bii anmar goled abelege. (1 Corintios 8:5, 6; Revelación [Apocalipsis] 4:11.)

2. Bab Dummad akar-akar nugsalege iniguale, nug sunsogedi warguenna nika: EOBA. Abar Bibliamar gine Bab Dummad nuga elilesa, geb a anale unnila narmaksadamala, Dummad o Bab Dummad. Degi iniguale, Biblia gepe narmaklesgua, Eoba egi narmakar naina mili-gugle wilub (7.000). (Éxodo 3:15; Salmo 83:18.)

3. Eoba san nikmoga, aukine anmargiid suli. “Bab Dummad dule Burbaledi”, Biblia soge. (Juan 4:24.) Dule burbaledi anmar gine ise obinale. Dule warguen saale Bab Dummad dakdi suli. Eoba nibneg gine mai iniguale belaguable ibmar dakmai. (Salmo 11:4, 5; Juan 1:18.) ¿Geb burba suilidikid dina, ibu moga? Dule suli, Bab Dummad giid suli, Bab Dummad gangued nikad obare. (Salmo 104:30.)

4. Biblia anmar sega oyoge Eoba dule igi daedi. Soge, e daed bur biriginmaladi gu-ye sabgued, ibmar-innikiguad-saed, binsaed-ibedi geb gangued nikadi. (Deuteronomio 32:4; Job 12:13; Isaías 40:26; 1 Juan 4:8.) Amba sog bali dule wile-emar-dakedi, nued-daedi, dule isgusale nabir ega eliedi, wissur nalle-guedi geb guae-guae ibmar abegedsur bali. Anmar e mimmigan eba ibsamalad soggua, anmar a yopira damogar gebe. (Efesios 5:1, 2.)

Ibmar obinnilegaled gine geb Biblia gine anmar durdake Bab Dummad Siki

5. ¿Akua-sobaled asabinni, o ibmar bamalad sobarmalad asabinni, anmar sindigar sigoe geb ese goloe? Suli. (Éxodo 20:4, 5.) Eoba soge unnila anmar ese bii golo-ye. E ganguedi dule baid gala uko suli. Degine, ibmar sobarmalad dina gangued sate anmar bendakega. (Salmo 115:4-8; Isaías 42:8.)

6. ¿Igi anmar, Bab Dummad bur nue mag dake gusale? E ibmar obinnisad gine geb binsaed gine, bule Bab Dummad gangue na oyoge we ibmar imaksadgi. Ibmar obinnisad gine anmar sega oyolege, yeer-gangued nika geb yeer-binsaed nika. Bela ibmar imaksad gine anmar sega na oyoge sabed nika. (Salmo 19:1-6; Romanos 1:20.) Baid ibmar anmar odurdakedi, Bab Dummad siki, a dina, Biblia. We gine bur nue anmar gala soglenai Bab Dummad dule igi daedi. Amba anmar gala soglena bali, ibu ibmar imaked gine binsamai geb ibu imaked anmar abege. (Amos 3:7; 2 Timoteo 3:16, 17.)

Copyright © 2006 Watch Tower Bible and Tract Society of Pennsylvania. All rights reserved.