¿Doagi Esukristo?

1. Napanegse daged iduale, Esus nibneg gine gudigua, dule-burbaled gusana. Bab Dummad we insogi imaksa, a gala onugsalege Bab Dummad Machi “gepeguad”. (Colosenses 1:15; Revelación 3:14.) Bab Dummadi, Esus bii, unnila obinnis gusa e warguen gine, dule baid ebo arbas suli. Eoba, Esus ebus gusa nibneg gine gudigua e “bendaked” gala, belaguable ibmar obinyed gala nibneg gine geb napaneg gine. (Proverbios 8:22-31; Colosenses 1:16, 17.) Bab Dummad amba ebus bali e argar dumad gala arbaega. We ulale Esus onugsalege “Kaya Barsoged”. (Juan 1:1-3; Revelación 19:13.)

2. Bab Dummadi, e Machi na barmiar gusa napaneg sega, e san-dulagudiid oguanoniki María sega. Degi soggua Esus bab sanaledi nikus suli, a gala Bab-igargi-yoleged ese guagsa suli geb daed ichakuaguad nikussur bali. Bab Dummadi, Esus barmiar gusa napaneg sega, igar sogbaaguad ulale: 1) Anmar odurdake gala ibmar napiraguad gine Bab Dummad siki (Juan 18:37), 2) Bab igar bali bela-belad nai na oyoge gala geb anmar deyop imakmoga gala. (1 Pedro 2:21) geb 3) na e san-dulagudiid uke gala, Bab-igargi-yoleged gine geb burgued gine anmar onoge gala. ¿Ibi gala nue abelesa we ibmar imakedi? (Mateo 20:28.)

3. Dule gepeguadi, Adan, Bab Dummad bali ibsassurgua imaknoniki, Biblia onugsaedi “Bab-igargi-yoleged”. Degi soggua Bab Dummad urmaksa, burgued gala. (Génesis 3:17-19.) Gege Bab Dummad igar bali nanagus soggua, bar dule-suilidikid gala gus suli. Binna-binna seredgumai gus sunna, geb degiid gine burguenoniki. A gala anmar seredgumoga, uelemoga geb burguemoga. ¿Igi nabir dulemar bendaklesale? (Romanos 3:23; 5:12.)

4. Esus dule-suilidikid gusa, Adan igi dule-suilidikid gusmoga. Aukine Adan yopira gus suli, Esus dina belaguable Bab Dummad soged bali ibmar imaksa, amba dummad wilubdaklesa iniguale. Degi soggua nabir na uke gusa, e san-suilidikid we napaneg gine nika gusadi, Adan Bab igargi yolesad bennukega. Biblia we ibmar imaklesadi onugsae “e-bennuked”. Wegii Adan mimmigana burgued gine nabir onolege guoe. Belaguable dulemar Esus gine bensulid nikmaladi, Bab igargi yolenoni dibe, nabir ega ielegoe geb sadegu gudigued nabir nikubaloe. (1 Timoteo 2:5, 6; Juan 3:16; Romanos 5:18, 19.)

Arbadii gusgua, Esus emar odurdaksa, ibmar-dakledi-sulid imaksa geb anmar ulale na uksa bali

5. Napaneg gine gudigusgua Esus uelemalad nudaksa, ukurba itomalad oimmeres bali geb burwa dummagana bogi imaksa bali. Dule burguarmaladse bakar odulosa. ¿Ibiga ibmar-dakledi-sulid imaksa. 1) Dulemar wiledimalad wile daked bali geb bendakbied bali. 2) Ibmar-dakledi sulid imaksad gine na oyos gusa Bab Dummad e Machi-ye. 3) Oyos bali ibu ibmar imakoe dulemar eba ibsamalad gala napaneg Rey gala gusale. (Mateo 14:14; Marcos 2:10-12; Juan 5:28,29.)

6. Esus burguisa, Bab Dummad odulosgua dule-burbaled gala imaksa, geb nibneg sega nade gusa. (1 Pedro 3:18.) Sorbali Bab Dummad, Rey gala imaksa. Iche napi, Esus, bela ibmar isgana obelogoe geb wile itogedi osulobaloe we napaneg gine. (Salmo 37:9-11; Proverbios 2:21, 22.)

Copyright © 2006 Watch Tower Bible and Tract Society of Pennsylvania. All rights reserved.