¿Doagi Nia?

1. “Diablo” soglege, dule emar ogakansaed, e nug oisoega. “Satanás” soglege, e istarad, eba nasulid. Wegi onugulege anger Bab Dummad e istarad, bur birigined. Gepesaila gine anger suilidikid dina, Bab Dummad bogua gudiina nibneg gine, degiid gine na dummarba imakali geb Bab Bummad yobi gubi guali, dulemar ese goled abeali. (Mateo 4:8-10.)

2. We anger, Satanás, Eba bogua sunmaksa naibe darbali, gakansaed gine un Eba obangunoniki Bab Dummad gine. Wegi Satanás yolenoniki, Bab Dumad warguen na neg semaid gine, Dule Dummad gued gine. Binsalenoniki bule Bab Dummad nued neg sesar dibe-ye, eba nanamalad gala. Amba sogsa yob gus bali, dule warguen saale innikiguad bali gege Bab Dummad bali nagu-ye. Weyop daed bali Bab Dummad e istarad gala gunoni sunna. We ulale onuggulenoniki Satanás Diablo (Nia). (Génesis 3:1-5; Job 1:8-11; Revelación 12:9.)

3. Nia, dulemar yardaked gine arbanai, ese gormala gala. (2 Corintios 11:3, 14.) Sogguen gine emar yardake gala ebuge, babga-arbaed napiraguad sulid. Ar bagba-arbaed sogguen ibmar napiraguad odurdaksulile, Nia ibmar abegedi imaknai. (Juan 8:44.) Dulemar bagba-arbaed napirasurmalad bali namaladi, sunna binsamalale innikiguad bali Bab Dummad napiraguad sega gornamar-ye, degi iniguale bur Nia gala arabananaile, ar wede ‘we neg isgus naid e bab dummad guedde-ye. (2 Corintios 4:4.)

Babga-arbaed napiraguad sulid, burbarmalad isganamalad bogua sunmaked geb na e negguebur bur nued-ye binsaedi dulemar yardaknai

4. Burbarmalad isganamalad bogua sunmakedi amba Nia ebu bali dulemar, eba nasike gala. Abar dulemala imbakua gordamala burbarmalad isganamalad sega e bendake gala, bamalad naibi sae gala, ibmar yoo gunonikoed ega soge gala, ibmar-dakledi-sulid e gala imakegar dibe. Bela we ibmar nabir gue gala Nia gangued isgana barmisii. Anmar Bab Dummad yeer-oitobiele, anmar mer binar guer gebe burbarmalad isganamald bogua sunmakedi. (Deuteronomio 18:10-12; Hechos 19:18, 19.)

5. Nia amba dulemar yardakna bali dulemar na e dule, bur dule nued-ye soged gine geb politika igar bur ibmar birigined gala imaked gine. Abar dulemala binsae e negguebulu geb e dulemala bur nued-ye dule bamalad bali. Aukine we ibmar nabir suli. (Hechos 10:34, 35.) Abar abdakmar bali politikomala bela neg isgunaid nudakedi. Deyop daed gine Bab Dummad e Reino obanbukmala, ar we bur neg isgunaid anmar gala nudakoedi. (Daniel 2:44.)

Eoba siki durdaknai sae, Nia abinni na ganna sae gala

6. Baid ibmar Nia ebubalidi dulemar yardake gala, a dina ibmar isgana binar guedi. Eoba anmar gala soge mer ibmar isgana imako-ye, ar edi wisi, anmar gala ibmar nued gala guo suli. (Gálatas 6:7, 8.) Abar dulemala abegoe, eba be nagumogadi we ibmar imaked gine. Aukine ebinsae, Nia bur nue abegedi be we ibmar imakedi. (1 Corintios 6:9, 10; 15:33.)

7. Nia amba imakbaloe be balegillegedi, be gine be istarmalad onobaloe be Eoba gine bangue gala. Sunna be guenadgana istar itogele, be Biblia durdaknaid bali. Dule bamaladi sunna be gine dododamaloe. Aukine ¿Doa ular be dula gudii? Nia dina unnila be oguayebie mer be Eoba siki ibmar durdake gala. Mer be gine obined be sae. (Mateo 10:34-39; 1 Pedro 5:8, 9.) Be Nia abinni ganna na imaksale sun be Eoba yeer-oitosale geb be oyos balile Bab Dummad na warguen neg seed bali be namo-ye. (Proverbios 27:11.)

Copyright © 2006 Watch Tower Bible and Tract Society of Pennsylvania. All rights reserved.