Igi neg-ya seed Bab Dummad nued dake - Eobagi sunmakmalad: We (garda) bii unnila WATCHTOWER gad sunnadi

Internet Jehovági sunmakmaladgad sunnad

Beliefs

Future

¿Ibu imaked Bab Dummad anmar abege?

Legsion 8

Igi neg-ya seed Bab Dummad nued dake
	¿Machered neg-ya gine ibu gala guoe? (1)
	¿Machered igi ome sabguoe? (2)
	¿Ibumar machered e arbaedi? (3)
	¿Ome neg-ya gine ibu e arbaedi? (4)
	¿Bab Dummad ibu imaked abege babgan geb mimmigan? (5)
	¿Igi Biblia soge na metemalad siki? (6, 7)

1. Biblia soge macheredi neg-ya e nono gala guo-ye. (1 Corintios 11:3.) Machered unnila ome warguenna nikuoe, geb ley gine na nikumaloe. (1 Timoteo 3:2; Tito 3:1.)

2. Macheredi ome sabguoe na e san sabed yobi. Igi Esus na e sordamar sabgusa, de yopira ome sabguoe. (Efesios 5:25, 28, 29.) Bipisaar sarsogo suli, sabsur sao suli. Bur e nug odummoged gine arbaoe, mag-dake-gua nanaoe. (Colosenses 3:19; 1 Pedro 3:7.)

Bab sabed nikadi ibmar abelegedi amige geb Bab igar gine neg-ya unae

3. Baba alamakoe neg-ya nabir see gala. Mas amigoe, mola geb nega e ome gala geb e mimmiganga. Amba Bab igar siki neg-ya idubaloe. (1 Timoteo 5:8.) Bab Dummad siki geb E ibmar abeged siki na neg-ya odurdakoe. (Deuteronomio 6:4-9; Efesios 6:4.)

4. Ome na sui bendakoe. (Génesis 2:18.) Na sui bendakoe mimmigan unaed gine. (Proverbios 1:8.) Eoba abege ome na sabed gine neg-ya akuedi. (Proverbios 31:10, 15, 26, 27; Tito 2:4, 5.) Ome bela-belad e sui mag-dake daoe. (Efesios 5:22, 23, 33.)

5. Bab Dummad abege mimmigana e babgan bali ibsaedi (Efesios 6:1-3.) Abito bali babgana mimmigan odurdakedi geb ega igarmar nudakedi. Babgana iba amigoe e mimmigan bogua Biblia durdake gala, Bab igar gine unae gala geb e daed nudake gala. (Deuteronomio 11:18, 19; Proverbios 22:6, 15.) Melle urwed gine mimmigan unaoe. (Colosenses 3:21.)

Bab Dummad abege babgan, mimmigan odurdakedi geb ega igar nudaked

6. Neg-ya gine urwed noalile Biblia soged bali daedi nuedi. Biblia anmar gala soge na sabgumalo-ye geb na ebo istar istosmalale iemalo-ye. (Colosenses 3:12-14.) Bab Dummad e garda sog suli, bipi na ebo istar itosmalale na metemalo-ye. Degi iniguale ome sun bangue machered gine ar macheredi 1) neg-ya budar see o nue akue suli gualile, 2) gadi urwe daele, sabsur imakledii ome na itogele, 3) sabsur imakleged bali Eoba gala geg nue bar arba gusa na itogele. (1 Corintios 7:12, 13.)

7. Machered ome bogua mer na yardakmaloe. Abirgin nika dikar bali amigedi, Bab Dummad igar gine yolegedi geb e abirgin gine yole bali. (Hebreos 13:4.) Unnila dikar bali amiged gine, nabir ome metelege o sui metelege geb nabir baid nikule bali. (Mateo 19:6-9; Romanos 7:2, 3.) Eoba istar dake binsasun na matemaladi geb dule baid nikue gala. (Malaquías 2:14-16.)

Onilesa 1996 gine
Copyright © 2006 Watch Tower Bible and Tract Society of Pennsylvania. All rights reserved.