 |
Beliefs | Future | Medical | Topics | Contact Us | Publications | Languages |
| ¿Ibu imaked Bab Dummad anmar abege? | Legsion 12  |
Anmar mer dodoakua dake dula-gudigued geb abe |
|
 |
¿Igi anmar dakoe dula-gudigued? (1) ¿Geb goe osuloged? (1) |
|
¿Igi kristo-sordamar na oyomala emar oakalobisurmar-ye? (2) |
|
¿Ichakuagua ibdurgan iblogedi? (3) |
|
¿Ibu ibmar ebugedi oyoge dule na dodoakua dake e gudiidi? (4) |
|
¿Igi Bab Dummad e igala soge abe siki? (5) |
|
¿Dule baid abe suer dina, igi bali? (6) |
1. Bela ibmar duladi Eoba gine daniki. (Salmo 36:9.) Ibmar duladi Bab Dummad gala ibidar nued gue. Goe amba yoo gualulege nan gine danikile, Eoba dina manisaila gue dake. Eoba nued dak suli, goe amba yoo gualuleged oburguedi. (Éxodo 21:22, 23; Salmo 127:3.)
2. Kristo-sordamar napiramaladi emar oakalobisurmala. Abesurmala e nega, e urmala dule bamaladga boni gala guedi. (Deuteronomio 22:8.) Bab Dummad gala arbamaladi san akalobisurmala binsa nabir yeer-itoged bali. A gala sabsur dodoleged gine wissur dodomala, we dodoged gine ise wisimakar dule baid naibisalege. Dodoed sogguen sabsur daed onasogele, istar dakmaloe. (Salmo 11:5; Juan 13:35.) 3. Bab Dummad bela ibmar obinnisadi, amba ibdurgan ibidar nued dak bali. Kristo-sorda nabir ibdurgan ibloge gunne gala, morga sae gala o bonigan bargaega, geb na san bendake gala. (Génesis 3:21; 9:3; Éxodo 21:28.) Degi iniguale nued suli yogasaar ibdurgan iblogedi binsa nabir yeer-itoged bali o dodoegar dibe. (Proverbios 12:10.) 4. Sigali uedi, war gunnedi geb ibmar sigali mummud gi malad ebugedi kristo-sordamar gad suli. We ibmar ebugedi nued suli ar 1) geg bar indake dule sae, 2) dule ib, san oisoe geb 3) ar ibnuedsurmala. (Romanos 6:19; 12:1, 2; 2 Corintios 7:1.) We ibmar indakedi sun undar gudage, aukine anmar Eoba bali dabiele indaker gebe. 5. Abe amba ibidar nued gue, Bab Dummad dak bali. Soge ibmar duladi, soglegedi, dula gudiid, abe gine dani-ye. A ulale abe gunnedi nued suli. Amba deyop bali ibdurgan nue abe eyos suli gunedi. Ibmar dula gammu egurulesa o trampa gine gales burguisale gulleged suli. Sigu gine o gingi gine maklesale, guae abgayala e abe eyogoe, nabir gunne gala. (Génesis 9:3, 4; Levítico 17:13, 14; Hechos 15:28, 29.) 6. ¿Ichakuagua dule baid e abe suedi? Ebinsaoe, Eoba soge mer we ibmar ebugo-ye. We soglege mer anmar san gine dule baid abe anmar odogoe, amba abe anmar gadir bela suli, anmar gine bachiki osabolesar. (Hechos 21:25.) Degi soggua kristo-sordamar napiramaladi abesuli dule baid abe suedi. Aukine ina bamalad dina nabir sumala, abe bali mesa dani sulile. Gudisabimar moga, aukine Bab Dummad e igar gine yolegosurmala na dula gudigubied bali. (Mateo 16:25.) |
||
Onilesa 1996 gine |
  |
Copyright © 2006 Watch Tower Bible and Tract Society of Pennsylvania. All rights reserved. |
|
