Igi be nabir amisale biti babga-arbaed napiraguadi

1. Esus unnila sogguenna urbisa, kristo-sordamar napiraguad bagba-arbamaladi. Degi soggua, emi iba gine unnila sogguenna nikar gebe dulemar napiraguad bali Bab Eoba sega gormaladi. (Juan 4:23, 24; Efesios 4:4, 5.) Biblia soge unnila ichegua dulemar nadap-ye igar warakuaguad sadegu gudigued sega dule semaid bali. (Mateo 7:13, 14.)

2. Biblia iduakua sogsa dulemar Esus nug gine barmilesmalad burgued sorbali, binna-binna kristo-sordamar danakua bukmalad gine dogmai guo-ye, ibmar odurdakleged napiraguad sulid geb ibmar imaked kristo-sordamar gad sulid. Dulemar nikunonikoe, Bab-ba nanaid e sorbali ebipidii gued, geb wemar Kristo gine obanguoe. (Mateo 7:15, 21-23; Hechos 20:29, 30.) A gala babga-arbamalad kristo-sorda-ye sogmaladi yaisuli anmar dake. ¿Igi anmar mag daksale doamala kristo-sordamar napiramaladi?

3. Bur nue oyolegedi kristo-sordamar napiramalad gine gue napiraguad sabed na egi nikmaladi. (Juan 13:34, 35.) Odurdaklegarsurmala dule bamalad gine o wagmar gine na dummarba itogo-ye. Amba odurdaklegarsurmar bali dulemar negguebur bamalad ginmalad istar dakode-ye. (Hechos 10:34, 35.) A ulale bila onoged gine wissur achamala. Kristo-sordamar napiramaladi na muchub-muchub sus yobi o bunmar yobi na dakmala. (1 Juan 4:20, 21.)

Kristo-sordamar napiaramaladi na egi muchub muchub sabed nikmala, Biblia dodoakua daksurmala geb Bab Dummad e Reino gine sunmakmala

4. Baid oyobalidi biti babga-arbaed napiraguadi gue e sordamala belaguable Biblia dodoakua daksurmala. Bab Dummad e kaya narmakaled gue dakmala, geb egi bensurmar bali. (Juan 17:17; 2 Timoteo 3:16, 17.) Emar gala, Bab Dummad e kaya narmakar maidi bur dumma gue dulemar e binsaed o e ibmar imaked bali. (Mateo 15:1-3, 7-9.) Bela eba daed gine binsamala. Degi soggua e ibmar odurdakdiid bali dammar bali. (Tito 1:15, 16.)

5. Babga-arbaed gine gudimaladi Bab Dummad e nuga odummomarbaloe. (Mateo 6:9.) Esus emar gala sogsa Bab Dummad e nuga, Eoba-ye, kristo-sordamar napiramaladi emar gala sogmarmogoe. (Juan 17:6, 26; Romanos 10:13, 14.) ¿Be negguebur gine doamala Bab Dummad e nug gine sunmake?

6. Kristo-sordamar napiramaladi Bab Dummad e Reino gine sunmake. Esus we imaksa. Reino gine sunmakdid bii gusa. (Lucas 8:1.) Degine, e sapingan barmis bali bela neg dirbimakale we igar gine emar gala sunmakega. (Mateo 24:14; 28:19, 20.) Kristo-sordamar napiramaladi wismala unnila Bab Dummad e Reino bii neg booguadi geb dobed satedi napaneg sega sedago-ye. (Salmo 146:3-5.)

7. Esus e sapingana we neg isgus naid e sordasurmala. (Juan 17:16.) Politika igar bali wissur akamala geb na abin-abin imaked bali akasurmar bali. We neg isgus naid e ibmar imaked bali, geb e daed bali daosurmala. (Santiago 1:27; 4:4.) ¿Be dakdii be negguebur gine babga-arbaed sogguen bela we ibmar imakedi?

Copyright © 2006 Watch Tower Bible and Tract Society of Pennsylvania. All rights reserved.