Sut Medrwch Chi Ganfod Beth Mae Duw yn ei Ofyn

1. Rhodd werthfawr oddi wrth Dduw ydi’r Beibl. Mae e’n debyg i lythyr oddi wrth dad cariadus i’w blant. Mae’n dweud y gwirionedd wrthym am Dduw—pwy ydi e a beth yw ei safonau. Mae e’n egluro sut i ymdopi â phroblemau a sut i ganfod gwir hapusrwydd. Y Beibl yn unig sy’n dweud wrthym beth y mae’n rhaid inni ei wneud i foddhau Duw.—Salmau 1:1-3; Eseia 48:17, 18.

2. Fe ysgrifennwyd y Beibl gan rhyw 40 o ddynion gwahanol dros gyfnod o 1,600 mlynedd, gan ddechrau yn 1513 C.C.C. (Cyn y Cyfnod Cyffredin) Mae e’n cynnwys 66 o lyfrau bach. ’Roedd y rhai a ysgrifennodd y Beibl wedi eu hysbrydoli gan Dduw. Fe fu iddyn’ nhw ysgrifennu ei feddyliau e, nid eu rhai eu hunain. Felly Duw yn y nefoedd, nid unrhyw fod dynol ar y ddaear, yw Awdur y Beibl.—2 Timotheus 3:16, 17; 2 Pedr 1:20, 21.

3. Fe sicrhaodd Duw fod y Beibl yn cael ei gopïo’n gywir a’i ddiogelu. Mae mwy o Feiblau wedi’u hargraffu nag unrhyw lyfr arall. ’Fydd pawb ddim yn hapus o’ch gweld chi’n astudio’r Beibl, ond peidiwch â gadael i hynny eich rhwystro chi. Mae eich dyfodol tragwyddol yn dibynnu ar ddod i ’nabod Duw a gwneud ei ewyllys ef er gwaethaf unrhyw wrthwynebiad.—Mathew 5:10-12; Ioan 17:3.

Copyright © 2006 Watch Tower Bible and Tract Society of Pennsylvania. All rights reserved.